Frumkvöðull
Hæ, hó, í rauninni ættirðu…að koma hingað til mín í allri þinni dýrð og elska mig einu sinni enn. Það er nefnilega nýjabrum í því, kisi, að elska sjálfstæðar konur einsog mig.
– Dísusaga eftir Vigdísi Grímsdóttur
Dr. Anna Guðrún Jónasdóttir
Dr. Anna Guðrún Jónasdóttir er prófessor emeritus við Háskólann í Örebro í Svíþjóð og heiðursdoktor við Stjórnmálafræðideild Háskóla Íslands. Anna Guðrún lauk doktorsgráðu í stjórnmálafræði þegar hún útskrifaðist frá Gautaborgarháskóla árið 1991.
Í doktorsritgerð sinni setti Anna Guðrún fram hugtakið „love power“, sem var upphafið að því að gera ástarrannsóknir að akademísku rannsóknasviði sem snýr að því að greina valdatengsl í ástar- og kynlífssamskiptum.
Grein eftir Önnu Guðrúnu birtist í sérriti Ritsins um ástarrannsóknir.
