Umsjónamaður: Brynhildur Björnsdóttir.
Lögformlegur samningur um ást og uppvask
Hjónabandið er allt í senn, samfélagslegur hornsteinn, stofnun ástarinnar og lögformlegur samningur um daglegt líf. Í fyrsta þætti Ef þú giftist er rætt um hjónabandið sem stofnun við Sigrúnu Olafsdóttur, prófessor í félagsfræði. Hrefnu Friðriksdóttur prófessor í hjúskaparrétti, Berglindi Rós Magnúsdóttur, prófessor um ástarrannsóknir og Sólveigu Önnu Bóasdóttur prófessor í guðfræðlegri siðfræði. Hjón þáttarins eru Harpa Másdóttir og Hrafnhildur Gunnarsdóttir.
Bíl og íbúð, brúðarslör
Hjónabandið hefst á brúðkaupi eða hjónavígslu sem ber með sér ýmsar hefðir og venjur, flestar frá fyrri öldum sem hafa ýmist viðgengist hérlendis eða numð hér land á síðustu árum og áratugum.
Í öðrum þætti Ef þú giftist er rætt um brúðkaup við Hannes Sasa Pálsson, brúðkaupsskipulegganda Margréti Eru Maack, veislustjóra og Guðrúnu Karls Helgudóttur prest í Grafarvogskirkju. Hjón þáttarins eru Ólöf Breiðfjörð og Gunnar Guðbjörnsson.
Að skilja er að skilja
Um þriðja hverju hjónabandi lýkur með skilnaði. Að skilja við maka er gríðarlega erfitt ferli, bæð tilfinningalega og veraldlega. Hjónabandið hefur meðal annars það hlutverk að halda röð og reglu kringum það veraldlega ferli, samkvæmt löggafanum en gerir það mögulega flóknara tilfinningalega.
Í þriðja þætti Ef þú giftist er rætt við Hrefnu Friðriksdóttur prófessor , Guðrúnu Karls Helgudóttur prest, Andrés Inga Jónsson alþingismann og Kristínu Tómasdóttur fjölskyldu- og meðferðarráðgjafa.
Lesari í þættinum ásamt Brynhildi er Halla Harðardóttir.
Eilífðin í augnablikinu
Er hægt að segja að hjónabandiið sé tímaskekkja þegar rúmlega 3500 manns velja að ganga í það á hverju ári? Eða þarf að breyta því og aðlaga að nútíma og framtíð?
Í fjórða þætti Ef þú giftist sem fjallar um framtíð hjónabandsins er rætt við Hrefnu Friðriksdóttur prófessor, Björn Leví Gunnarsson alþingismann og konu sem er í fjölkæru (polyamorous) hjónabandi. Hjón þáttarins eru Magnús Örn Sigurðsson og Sólveig Ásta Sigurðardóttir.
